Yaponiya hökuməti yaponiyalı Masatoşi Nakanişinin məxfi fəaliyyətdə ittiham olunaraq saxlanılması ilə bağlı məlumatın yayılmasından sonra Belarusa etiraz edib.
"Unikal" xəbər verir ki, bu barədə sentyabrın 6-da Yaponiya Nazirlər Kabinetinin katibi Yoşimasa Hayaşi mətbuat konfransı zamanı bildirib.
Etiraz Belarusun dövlət televiziyasında saxlanılan şəxslə bağlı verilişin yayımlanması ilə əlaqədar elan edilib.
“Biz israrla verilişin ləğvini tələb etdik və onun hələ də yayımlanması çox təəssüf doğurur. Onun yayımından sonra biz Belarus hökumətinə etiraz göndərdik”, - deyə Hayaşi bildirib.
O, Yaponiyanın bundan sonra da Yaponiya vətəndaşlarının maraqlarını qoruyacağına diqqət çəkib.
Gülayə Mecid
