Bakı, 6 sentyabr, AZƏRTAC
Azərbaycan Dövlət İqtisad Universitetində (UNEC) bu il 8 ixtisas üzrə keçid balı 600-dən yüksək olub.
UNEC-dən AZƏRTAC-a bildirilib ki, ilk üçlükdə olan ən yüksək ballar I qrup üzrə Rəqəmsal iqtisadiyyat fakültəsinin ixtisaslarında yer alıb. Ən yüksək bal tədrisi ingilis dilində aparılan informasiya təhlükəsizliyi ixtisası üzrə 658,5 bal olub.
UNEC-də keçid balı 600-dən yüksək olan ixtisaslar aşağıdakılardır:
1. İnformasiya təhlükəsizliyi - 658.5 (ingilis)
2. İnformasiya texnologiyaları - 647.2 (ingilis)
3. Kompüter mühəndisliyi - 636.8 (ingilis)
4. Maliyyə - 636.7 (ingilis)
5. İqtisadiyyat - 624.3 (ingilis)
6. İnformasiya təhlükəsizliyi - 622.4 (Azərbaycan)
7. İnformasiya texnologiyaları - 610.6 (Azərbaycan)
8. Biznesin idarə edilməsi - 610.2 (ingilis).
