Respublikaçı Alternativ Partiyası Siyasi Komitəsi (REAL) partiyanın lideri İlqar Məmmədovun istefasını qəbul edib.

Reyting.az xəbər ki, bu barədə partiyanın açıqlamasında deyilir.

Bildirilib ki, Respublikaçı Alternativ Partiyası (Real) Siyasi Komitəsinin iclası keçirilib.

İclasda parlament seçkilərinin nəticələrinə dair ilkin müzakirə aparılıb. Qərara alınıb ki, seçki prosesi rəsmən başa çatandan sonra onun nəticələrinə və siyasi əhəmiyyətinə digər REAL namizədlərinin iştirakı ilə partiyanın yekun qiyməti verilsin.

Digər qərarla, iclasda İlqar Məmmədovun Siyasi Komitənin sədri vəzifəsindən istefası haqqında ərizəsi qəbul olunub. Qərara alınıb ki, sədrliyin ötürülməsi işləri 30 sentyabr tarixində başa çatsın və yeni seçiləcək sədr oktyabrın 1-dən fəaliyyətə başlasın.

Respublikaçı Alternativ Partiyasının qurucu üzvü İlqar Məmmədova uzun illər göstərdiyi fəaliyyətə və liderliyinə görə partiya adından təşəkkür bildirilib. İlqar Məmmədovun Siyasi Komitə üzvü olaraq partiya işinin bundan sonra hansı istiqamətlərinə baxacağı növbəti mərhələdə müəyyən ediləcək.