Şesni "Barselona"da nə zaman oynaya biləcək?

Voyçex Şesni yalnız oktyabrda, millinin oyunlarından sonra "Barselona"nın heyətində çıxış edə biləcək, çünki futbolçuya oyun praktikası qazandırmaq lazımdır. Matc.az xəbər verir ki, bu barədə jurnalist Lukaş Visnevski məlumat paylaşıb. Bildirirlir ki, sabah polşalı qolkiper Kataloniya klubu ilə cari mövsümün sonuna qədər müqavilə imzalayacaq. Şesni Çempionlar Liqasının ümumi mərhələsinin 2-ci turunun "Barselona"nın "Yanq Boyz"la qarşılaşacağı (1 oktyabr) matçını tribunadan izləyəcək. Xatırladaq ki, ötən yay 34 yaşlı polşalı qolkiper karyerasını başa vurduğunu açıqlasa da, "Barselona"nın təklifi səbəbiylə futbola qayıtmaq istədiyini bildirmişdi.