İlon Mask gələcəkdə "dron dəstəsi" döyüşlərinin olacağını deyib.
Valyuta.az xəbər verir ki, o, bu barədə X-də (əvvəllər Twitter) yazıb.
"Qarşıdan ağlasığmaz PUA döyüşləri gəlir", - o bildirib. Belə ki, o, platformanın başqa bir istifadəçisinin ABŞ-ın ildə təxminən 20 min PUA, Çinin isə bir gündə bu qədər istehsal edə biləcəyi barədə yazısını şərh edib.Bundan bir qədər əvvəl ordunun satınalma, texnologiya və logistika üzrə köməkçisi Duqlas Buş bildirib ki, ABŞ ordusu (quru qoşunları) pilotsuz uçuş aparatlarının (PUA) alışını sursat alışı səviyyəsinə çatdırmağa hazırlaşır.
Sentyabrın 12-də ABŞ-ın ordu katibi Kristin Uormut bildirib ki, Birləşmiş Ştatlar Ukraynadakı münaqişənin öyrənilməsi nəticəsində əldə edilmiş təcrübə əsasında PUA istehsalını artıracaq. Defence One avqust ayında ABŞ-ın hər ay təxminən 5000 və ya daha az PUA istehsal edə bildiyini, Ukraynanın isə 2023-cü ilin mayında ayda təxminən 10,000 pilotsuz uçuş aparatından istifadə etdiyini bildirib.
