Azərbaycanda yanvar-avqust ayları üzrə avtonəqliyyat vasitələrinin könüllü sığortası üzrə yığımlar və ödənişlərin həcmi məlum olub.
FED.az Mərkəzi Bankın hesabatına istinadən xəbər verir ki, bu ilin yanvar-aqust aylarında bu növ sığorta üzrə yığımlar 39 milyon 315 min manat təşkil edib.
Bu da ötən ilin müvafiq dövrü ilə müqayisədə 6 milyon 717 min manat və ya 21% çoxdur.
2023-cü ilin yanvar-avqust aylarında bu göstərici 32 milyon 548 min manat təşkil edib.
Bu dövrdə bu növ sığorta ödənişləri 13 milyon 559 min manat təşkil edib ki, bu da illik müqayisədə 1 milyon 426 min manat və ya 12% çoxdur.
Əvvəlki ilin eyni dövründə 12 milyon 134 min manat sığorta ödənişləri edilmişdi.
Hesabat dövründə zərərlilik göstəricisi isə 34% təşkil edib. Zərərlilik göstəricisi son bir ildə 3% azalıb. 2023-ci ilin eyni dövründə isə zərərlilik göstəricisi 37% təşkil edib.
