İngiltərənin "Mançester Siti" klubunun və Norveç millisinin üzvü Erlinq Haaland dünyanın ən bahalı futbolçusu olub.
Azadmedia.az Report-a istinadla xəbər verir ki, məşhur "Transfermarkt" portalı bəzi oyunçuların qiymətini yeniləyib və 24 yaşlı hücumçunun dəyərini 180 milyon avrodan 200 milyona qaldırıb.
Belə ki, daha əvvəl Erlinq Haaland "Real"ın (Madrid, İspaniya) futbolçuları Cud Bellinqem, Vinisius Junior və Kilian Mbappe ilə 1-ci pilləni bölüşdürürdü. Son üç futbolçunun transfer qiyməti dəyişməyib - 180 milyon avro.
