İranın BMT-dəki Daimi Nümayəndəliyi rəsmi Tehranın ABŞ-ı İsrailə raket hücumu ilə bağlı xəbərdar etməsi ilə bağlı məlumatı təkzib edib. TASS xəbər verir ki, xəbərdarlığın artıq zərbələr başlayandan sonra Vaşinqtona göndərildiyi təsdiqlənib.
“İran cavab verənə qədər ABŞ-ı xəbərdar etməyib, lakin bundan sonra ciddi xəbərdarlıq edib”, - respublikanın BMT-dəki nümayəndəliyinin bəyanatında deyilir.
Bundan əvvəl “Reuters” agentliyi yazıb ki, İran hakimiyyəti diplomatik kanallar vasitəsilə ABŞ-ı İsrailə qarşı gözlənilən raket hücumu ilə bağlı xəbərdar edib.
"ABŞ İran tərəfindən diplomatik kanallarla xəbərdarlıq edilib", - mesajda bildirilir.
Bundan əvvəl Fələstinin Həmas təşkilatı İranın İsrailə raket hücumuna münasibət bildirərək, bunu "güclü mesaj" adlandırıb.
"Biz vurğulayırıq ki, İranın bu mötəbər zərbəsi sionist düşmənə və onun faşist hökumətinə güclü mesajdır", - Həmas bildirib.
