Bakı, 2 oktyabr, AZƏRTAC
Silahlı qarşıdurmalarda insanlar öldürülür, itkin düşür və digər formalarda zərər görür. İstənilən halda, itkin düşmüş şəxslərin tapılaraq ailələrinə qaytarılması vacibdir.
AZƏRTAC xəbər verir ki, bu sözləri beynəlxalq insan haqları hüququ və BMT sistemi üzrə ekspert Afərin Şahidzadə itkin düşmüş şəxslər mövzusuna həsr edilmiş beynəlxalq konfransın "Etimad, barışıq və sülh quruculuğu proseslərində itkin düşmüş şəxslər problemi" mövzusunda keçirilən sessiyasında söyləyib.
Afərin Şahidzadə deyib ki, müharibədən sonra sülhə nail olmaq üçün etimadın yaradılması istiqamətində səy göstərmək zəruridir.
