Təhsili yeni çağırışlar müstəvisində müzakirə etsək, daha irəli getmək imkanı olacaq. SİA xəbər verir ki, bunu elm və təhsil naziri Emin Əmrullayev "Təhsildə yeni çağırışlar" adlı V beynəlxalq forumda çıxışı zamanı deyib.
Nazirin sözlərinə görə, müəllimin, təhsil sahəsində olan mütəxəssislərin üzərinə ciddi məsuliyyət qoyuruq ki, təhsil sahəsini məişət xarakterli müzakirələrdən peşəkar elmi-tədqiqatlara əsaslanan platformaya gətirə bilək.
"Dünyanın təhsil sistemlərinin oxşar problemləri var. Bu ümumi problemlər müzakirə ediləndə müxtəlif həll yolları ortaya çıxır. Hər ölkənin də, təbii ki, özünəməxsus həlləri var. Azərbaycanda təhsilin məzmunu, tədrisin keyfiyyəti, müəllimin səriştəsi əsas məsələdir", - E.Əmrullayev əlavə edib.
