Avropa İttifaqı (Aİ) Çindən idxal olunan elektrikli avtomobillərə cəza tarifləri tətbiq etmək qərarına gəlib.
Publika.az xəbər verir ki, bu barədə Alman Mətbuat Agentliyi məlumat yayıb.
Məlumata görə, Avropa Komissiyası Çindən idxal edilən avtomobillərə 35,5 faizə qədər vergi tətbiq etməyi qərara alıb.
Buna səbəb Aİ-nin Çini elektrikli avtomobillərin qiymətini süni şəkildə aşağı salmaq üçün dövlət vəsaitindən və onları dünya bazarına çıxarmaq məqsədilə ədalətsiz üsullardan istifadədə ittiham etməsidir.
