İsrail ordusu Hizbullah qərargahının rəisi Süheyl Hüseynin öldürüldüyünü açıqlayıb.
Modern.az-ın məlumatına görə, bu barədə İsrail ordusunun mətbuat xidməti məlumat yayıb.
O, İsrail Hərbi Hava Qüvvələrinin dəqiq zərbəsi nəticəsində öldürülüb. Hüseynin İrandan maddi-texniki təminat və silah tədarükünə, həmçinin Hizbullah bölmələrinə silah paylanmasına cavabdeh olduğu bildirilir.
Xatırladaq ki, sentyabrın 23-də İsrail ordusu Hizbullaha qarşı “Şimalın oxları” əməliyyatına başlayıb və bu əməliyyat zamanı Livan hərəkatının hərbi obyektlərinə kütləvi hava zərbələri endirib. Sentyabrın 27-də həyata keçirilən hücum nəticəsində Beyrutda Hizbullahın baş katibi Şeyx Həsən Nəsrullah öldürülüb.
