Litvanın çimərlik futbolu üzrə milli komandası DÇ-2025-in seçmə mərhələsində Belarus komandası ilə oynamaqdan imtina edib.
Oxu.Az xəbər verir ki, bu barədə məlumat Litva Futbol Federasiyasının rəsmi saytında dərc olunub.
“Futbolçularımızın növbəti seçim mərhələsində mübarizə apara bilməyəcəkləri və elitada güclərini sınaya bilməyəcəkləri məyusedicidir, lakin bu halda dəyərlər idmandan yüksəkdə qalmalıdır.
Biz bu qərarı milli komandanın nümayəndələri ilə müzakirə etdik və razılaşdıq ki, bizim tərəfimizdən belə bir addımın atılması bu məsələdə mövqeyimizi bir daha təsdiqləmiş olacaq”, – deyə Edqaras Stankeviçius söyləyib.
