Azərbaycanda elektrik və hibrid avtomobillərin texniki qulluğu və təmiri üzrə texnik hazırlanacaq. Avtosfer.az-ın xəbərinə görə, Nazirlər Kabineti bununla bağlı “Peşə təhsili üzrə ixtisasların Təsnifatı”nda dəyişiklik edib.
Dəyişikliyə əsasən, “VI. “Aviasiya, kosmik raket, dəniz texnikası və nəqliyyat vasitələri” peşə istiqaməti üzrə” hissə üzrə “030624 Avtomobillərin təmiri - sürücülük” ixtisas qrupuna “Elektrik və hibrid avtomobillərin texniki qulluğu və təmiri üzrə texnik” ixtisası əlavə edilib.
