Bakı, 11 oktyabr, AZƏRTAC
İngiltərə millisinin və “Arsenal”ın futbolçusu Bukayo Saka zədələnib.
AZƏRTAC xarici mətbuata istinadən xəbər verir ki, 23 yaşlı hücumçu ötən gün UEFA Millətlər Liqasının III turunda Yunanıstanla keçirilmiş ev matçında (1:2) ayağından xəsarət alıb.
Forvard bu səbəbdən 52-ci dəqiqədə Noni Madueke ilə əvəzlənib.
Qeyd edək ki, İngiltərə seçməsi A Liqasında 3 turdan sonra 6 xalla 2-ci pillədə qərarlaşıb.
