Çin brendi "Ecovacs"a aid robot tozsoranlar son zamanlarda ABŞ-da baş verən bir sıra qorxulu hadisələrlə gündəmə gəlib. Belə ki, robot tozsoranlar sahiblərini və ev heyvanlarını izləmək, onlara təhqir edici sözlər demək və hətta irqi təhqirlər səsləndirmək kimi qeyri-adi və narahatedici davranışlar sərgiləyiblər.
Musavat.сom "ABC News"a istinadən xəbər verir ki, hadisə ABŞ-ın bir neçə şəhərində baş verib.
Hadisələrin arxasında hakerlərin dayandığı ehtimal olunur. İddia olunur ki, hakerlər tozsoranların təhlükəsizlik sistemindəki zəiflikləri aşkar edərək, onları uzaqdan idarə edə biliblər. Robotlarda mikrofon və kameranın olması hakerlərin onları izləmə imkanını artırıb. Beləliklə, şəxsi həyatın gizliliyi təhlükə altına düşüb.
Problemin həlli üçün istifadəçilərə robotları tamamilə söndürmək və ya internetdən ayırmaq tövsiyə olunub.
Musavat.com
