İranda Denge qızdırmasına yoluxanların sayı artıb.
Bu barədə İSNA məlumat yayıb.
Bununla bağlı İran Səhiyyə Nazirliyinin Yoluxucu Xəstəliklərə Nəzarət Mərkəzinin rəhbəri Qubad Moradi bildirib ki, ilin əvvəlindən xəstəliyə yoluxanların sayı 226 nəfərə çatıb.
Onun sözlərinə görə, Çabahar şəhərində Denge qızdırmasının yayılması daha yüksəkdir. Hazırda şəhərdə virusa yoluxanların sayı azı 100 nəfərdir.
Qeyd olunur ki, xəstəliyin əsas əlamətlərinə yüksək hərarət, bədən ağrıları, göyərmə və yorğunluq daxildir.
Oxu.az
