1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Gəncə Apellyasiya Məhkəməsində Bərdədə anasına və qardaşının həyat yoldaşına xəsarət yetirməkdə təqsirləndirilən Hacıbala İsayevin barəsindəki hökmdən verilən apellyasiya şikayəti üzrə məhkəmə iclası başa çatıb.
Pravda.az xəbər verir ki, hakim Nural Əliyevin sədrliyi ilə keçirilən prosesdə qərar elan edilib.
Qərara əsasən, apellyasiya şikayəti qismən təmin edilib, Gəncə Ağır Cinayətlər Məhkəməsinin çıxardığı hökm təqsirləndirilən şəxsə təyin olunmuş cəzaya aid hissədə dəyişdirilib. Məhkəmənin hökmü ilə Hacıbala İsayevin təqsirli bilindiyi Cinayət Məcəlləsinin 126.2.1, 126.2.2 və 126.2.3-cü maddələri ilə təyin edilmiş 7 il 6 ay müddətinə azadlıqdan məhrumetmə cəzasının həddi 6 il 6 aya endirilib.
Qeyd edək ki, hadisə 3 iyun 2023-cü il tarixində saat 19 radələrində Bərdə rayonu, Mollagüllər kəndində yerləşən fərdi yaşayış evində qeydə alınıb. Belə ki, iki nəfərə bıçaqla xəsarət yetirilməsi barəsində rayon polis şöbəsinə məlumat daxil olub. Cinayət əməlini törətməkdə şübhəli bilinən 1997-ci il təvəllüdlü Hacıbala İsayev saxlanılıb. Hadisənin ailə münaqişəsi zəminində baş verdiyi bildirilib.
