Oktyabrın 1-dən noyabrın 1- dək respublika ərazisində " Təmiz hava" aylığı keçirilir. Hər bir qayda olaraq ölkəmizin ərazisində " Təmiz hava" aylığına " yaşıl işıq" yandırılır. Təbii ki, bu da ekologiyamızın və təmiz havamızın qorunmasına xidmət edir! Çünki təmiz hava, həm də sağlam həyat deməkdir.
Bu il isə ölkəmizdə keçiriləcək COP- 29 əlaqədar olaraq dünyamızı və yaşıl aləmimizi qorumaq məqsədilə ölkəmiz Ekologiya və Təbii Sərvətlər Nazirliyi DİN - min Baş Dövlət Yol Polisi İdarəsi ilə birlikdə oktyabrın 1-dən noyabrın 1-dək respublika ərazisində " Təmiz hava" aylığına start verib. Artıq ilk gündən bəri xeyli vaxt keçib. Yəni oktyabrın 25- nə kimi Baş Dövlət Yol Polisi İdarəsinin əməkdaşları ölkə ərazisində davamlı olaraq tədbirlər keçirib və atmosfer normadan artıq zərərli qazların atılması faktlarını üzə çıxarıb. Keçirilən reydlər zamanı aydınlaşıb ki, bir çox müəssisə, istehsalat sahələrindən, eləcə də nəqliyyat vasitələrindən havaya normadan artıq zərərli qazlar tullanıb. Aparılan maarifləndirmə və təbliğat işlərinə baxmayaraq yenə bəzi hüquqi, vəzifəli və fiziki şəxslər qanunu pozublar.
Onlar qanunu pozmaqla təbiətə və cəmiyyətə ziyan vurublar. Aydındır ki, noyabrda Bakıda keçiriləcək məhz beynəlxalq tədbir də dünyamızı quraqlıqdan və ekoloji təhlükədən xilas etməyə yönəldilib. Yəni dünyamızı tək ekoloqlar və yol polisi deyil, bizim hər birimiz qorumalıyıq və ən azından onu çirkləndirməməliyik! Və çirkləndirənlərin də qarşısını almalıyıq. Baş Dövlət Yol Polisi İdarəsinin ekoloji nəzarət bölüyündə keçirilən tədbirlər zamanı çoxlu sayda nəqliyyat vasitələrindən atmosferə normadan artıq zərərli qazların atılması halları aşkarlanıb. Bu reydlər zamanı onlarla sürücü qanunu pozduğuna görə 50 manat məbləğində cərimə edilib. Reyd zamanı sürücüləri izah edilib ki, idarə etdikləri nəqliyyat vasitələrində yaranmış texniki nasazlığı aradan qaldırsınlar.Əgər qaldırmasalar cərimə edildiklərini baxmayaraq , ikinci dəfə yenidən inzibati məsuliyyətə cəlb olunacaqlar!
Baş Dövlət Yol Polisi İdarəsinin avtotexniki müfəttişlik şöbəsinin rəisi , polis polkovniki Xalid Əzimov bizimlə söhbətində dedi ki, " Təmiz hava" aylığı ilə bağlı tədbirlər respublikamızın bütün ərazisini əhatə edir. Əməkdaşlarımız həmin tədbirlərdə iştirak edir. Keçirilən tədbirlər bir daha göstərir ki, heç də bütün hüquqi, vəzifəli və fiziki şəxslər öz üzərinə düşən vəzifəni məsuliyyət yerinə yetirmir.Məhz tədbirdə də belə insanlar inzibati məsuliyyətə cəlb olunublar. Məlum olub ki, atmosferi ən çox çirkləndirən " Kamaz", " Kiraz" və digər yük maşınları və sovet istehsalı olan" VAZ" markalı avtomobillərdir.Eyni zamanda istismar müddəti başa çatmış nəqliyyat vasitələrindən də atmosferə zərərli qazlar atılır. Ona görə də hər bir sürücü məsuliyyətli olmalı və qanunlara hörmətlə yanaşmalıdır. Tədbirlərimiz davam edir. Bir daha müxtəlif nəqliyyat vasitələrinin sürücülərinə müraciət edərək deyirik ki, təmiz havamızı qorusunlar, avtomobillərdə mövcud nöqsanları vaxtında aradan qaldırsınlar ki, təkrarən inzibati məsuliyyətə cəlb edilməsinlər.
Biz hamımız qanunlara əməl etsək, atmosferimiz də təmiz olar, həm də sağlam yaşayarıq!
Emil Faiqoğlu
