Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 11-ci turuna yekun vurulacaq.
Arena.az xəbər verir ki, sonuncu oyun günündə də iki qarşılaşma baş tutacaq.
Cari mövsümdəki ilk qələbəsini ötən tur Samir Abasovun qayıdışından sonra əldə etmiş “Neftçi” bu dəfə səfərdə “Sabah”la üz-üzə gələcək. Bu, paytaxt klublarının çempionatdakı 25-ci görüşü olacaq. Əvvəlki 24 oyunda “bayquşlar” 7, “neftçilər” 13 qələbə qazanıblar, dörd görüş sülhlə bitib. Amma “Sabah” son 5 görüşdə uduzmayıb. “Neftçi” son 4 oyunda qol da vurmayıb.
Tura “Qarabağ” – “Şamaxı” oyunu ilə yekun vurulacaq. Son çempion və potensial lider bu oyunda da favoritdir. Ağdam klubu əvvəlki 74 oyunda da bu rəqibinə 37 dəfə qalib gəlib. 24 oyun heç-heçə bitdiyi halda 13 görüşdə “Şamaxı” qalib gəlib. “Qarabağ” son 5 oyunda qələbə qazanıb. “Şamaxı” son 19 matçda qalib gəlməyib.
Premyer Liqa
11-ci tur
25 oktyabr
“Turan Tovuz” – “Kəpəz” 2:1
Qollar: Veysəl Rzayev, 15. Emmanuel Hakman, 90+4 – Luis Paçu, 76-pen.
Hakimlər: Rauf Allahverdiyev, Elşad Abdullayev, Rahil Ramazanov, Kamran Əliyev.
VAR: Nicat İsmayıllı.
AVAR: Cəmil Quliyev.
Hakim-inspektor: Munis Abdullayev.
AFFA nümayəndəsi: Elman Musayev.
Tovuz şəhər stadionu. Saat 19.00.
26 oktyabr
“Araz-Naxçıvan” – “Zirə” 1:1
Qollar: Felipe Santos, 89-pen – Georgi Papunaşvili, 30.
Hakimlər: Əliyar Ağayev, Zeynal Zeynalov, Akif Əmirəli, Əkbər Əhmədov.
VAR: İnqilab Məmmədov.
AVAR: Namik Hüseynov.
Hakim-inspektor: Ömər Paşayev.
AFFA nümayəndəsi: Rüfət Əmirov.
Mərdəkan. “Dalğa Arena”. Saat 16:00.
“Səbail” – “Sumqayıt” 0:1
Qol: Silvanus Nimeli, 51.
Hakimlər: Fərid Hacıyev, Eyyub İbrahimov, Şirmamed Mamedov, Elvin Bayramov.
VAR: Rauf Cabbarov.
AVAR: Kamran Bayramov.
Hakim-inspektor: Babək Quliyev.
AFFA nümayəndəsi: Məmmədəli Məmmədov.
“Bayıl Arena”. Saat 18:30.
27 oktyabr
“Sabah” – “Neftçi”
Hakimlər: Tural Qurbanov, Rəhman İmami, Zöhrab Abbasov, Əli Əliyev.
VAR: Rəşad Əhmədov.
AVAR: Asiman Əzizli.
Hakim-inspektor: Anar Salmanov.
AFFA nümayəndəsi: Elçin Mehdiyev.
“Masazır Arena”. Saat 17:00.
“Qarabağ” – “Şamaxı”
Hakimlər: Cavid Cəlilov, Namik Hüseynov, Müslüm Əliyev, Nicat İsmayıllı.
VAR: Elçin Məsiyev.
AVAR: Pərvin Talıbov.
Hakim-inspektor: Asim Xudiyev.
AFFA nümayəndəsi: Asif Əliyev.
Bakı. Tofiq Bəhramov adına Respublika stadionu. Saat 19:00.
