Son 24 saat ərzində Rusiya hava hücumundan müdafiə sistemləri Ukraynaya məxsus 120 təyyarə tipli pilotsuz uçuş aparatını (PUA) vurub.
Ucnoqta.az xəbər verir ki, bu barədə Rusiya Müdafiə Nazirliyinə məlumat verilib.
Məlumata görə, Rusiya hava hücumundan müdafiə sistemləri Fransa istehsalı olan üç “Hammer” idarəolunan bombanı, iki ATACMS operativ-taktiki raketini və ABŞ istehsalı olan bir HIMARS reaktiv yaylım atəş sistemini, həmçinin 120 təyyarə tipli pilotsuz uçuş aparatını vurub.
Qeyd edilir ki, xüsusi hərbi əməliyyat başlayandan indiyədək Ukrayna SQ-yə məxsus 647 təyyarə, 283 helikopter, 34 685 pilotsuz uçuş aparatı, 584 zenit-raket kompleksi, 18 894 tank və digər zirehli döyüş maşını, 1480 reaktiv yaylım atəşi sistemli döyüş maşını , 16 887 səhra artilleriya qurğusu və minaatan, 27 694 ədəd xüsusi təyinatlı hərbi maşın sıradan çıxarılıb.
