Bakıda yol hərəkəti qaydalarını pozan avtobus sürücüsü kameraya düşüb. Avtosfer.az xəbər verir ki, hadisə oktyabrın 22-də, paytaxtın 8 Noyabr prospektində baş verib.
Belə ki, "BakuBus" a məxsus 99-JO-672 qeydiyyat nişanlı avtobusun sürücüsü yüksək sürətlə hərəkət edərək manevr qaydalarını pozub. O, avtobus zolağından istifadə etməyərək lüzumsuz yerə zolaqları soldan sağa, sonra isə sağdan sola dəyişib. Yolayrıcına çatan zaman qarşısındakı avtomobili ötüb keçmək üçün bütöv xəttin tələbini pozaraq sol zolağa manevr edib. Daha sonra isə yenidən sağa zolağa yerdəyişmə edərək görüntünü qeydə alan sürücüyə təhlükə yaradıb.
İdarə etdiyi avtobusun qabariti böyük olduğuna görə, edilən hər bir manevr digər sürücülər üçün yüksək təhlükə hesab olunur.
Fərid
