Bu il ekranlara çıxan bir çox film ilin "Ən yaxşılar"ı sırasına daxil oldu. "Vanity Fair" 2024-cü ildə tamaşaçılara təqdim olunan ən yaxşı filmləri açıqlayıb. Siyahıda gəlirli və festivalda nümayiş olunan bir çox ekran əsərləri var.
Paralel.az 2024-cü ilin ən yaxşı filmlərini təqdim edir:
"Dune: Part Two"
Ekran işinin baş rollarında Timoti Şalame və Zendaya rol alıb. Film amerikalı yazıçı Frank Herbertün ən çox satılan romanından bəhrələnib. Ekran işində Paul, Harkonnen ailəsinin hücumundan xilas olduqdan sonra Fremenlərlə yaşamağa başlayır.
"Kingdom of the Planet of the Apes"
"War for the Planet of the Apes"filmi ilə tamamlanan ekran əsərində hadisələr 300 il sonra baş verir. Filmin bu bölümü digərləri ilə müqayisədə ən yaxşı hesab edilir.
"Rebel Ridge"
Filmdə bir çanta pul yerli polis tərəfindən ədalətsiz şəkildə ələ keçirildikdən sonra, keçmiş bir dəniz piyadaları kiçik bir şəhərdəki korrupsiyaya qarşı mübarizə aparır.
"The Idea of You"
Baş rollarında Enn Heteuey və Nikolas Qolitsinin rol aldığı "The Idea of You"da 40 yaşlı subay ana Solennin həyat hekayəsindən bəhs edilir. Ekran işinin rejissoru Maykl Şouuolterdir. Filmdə Solen dünyanın ən populyar musiqi qrupu üzvü Hayeslə eşq yaşayır.
"Furiosa: A Mad Max Saga"
Filmin əsas rolunda Anya Teylor-Coy çəkilib. Ekran işi Kann Film Festivalında nümayiş olunub. Rejissoru Corc Millerdir. Layihədə Şarliz Teronun gəncliyini Anya Teylor-Coy canlandırır.
"Challengers"
Baş rollarda Zendaya, Coş Okkonur və Mayl Feyst çəkilib. Film tennis turnirində çempion olmaq üçün mübarizə aparan üç tennisçinin hekayəsindən bəhs edir.
"Skywalkers: A Love Story"
Filmdə cəsarətli cütlük Malayziyanın Kuala-Lumpur şəhərində 118 mərtəbəli binanın sonuncu mərtəbəsinə dırmanmağa çalışır.
"Red Island"
Ekran işinin rejissoru Robin Kampillodur. Film, 1970-ci illərdə Madaqasqardakı fransız zülmündən bəhs edir.
"I Saw the TV Glow"
Süjet xəttində iki gənc bir televiziya şousunda tanış olubeşq yaşayır. Lakin daha sonra veriliş müəmmalı şəkildə ləğv edilir.
"Green Border"
Film Suriyadan gələn bir ailənin mübarizəsindən bəhs edir. Rejissoru Agnieszka Hollanddır.
"Sing Sing"
Filmdə hadisələr həbsxanada cərəyan edir. Sanat Yoluy ilə reabilitasiya proqramına qatılan bir qrup məhkumun həyat hekayəsindən bəhs edilir. Ekran işində Kolman Dominqo, Paul Reysi kimi aktyorlar rol alıblar./BAKU.WS
