Ermənistanın hakim “Vətəndaş sazişi” partiyasının öndə gələn isimlərindən Andranik Köçəryanın yaxın vaxtlarda istefa verəcəyi barədə məlumat yayılıb.
News24.az erməni mediasına istinadən xəbər verir ki, bununla bağlı gəzən xəbərləri Köçəryan təkzib edib.
“Ünvansız şayiələrə heç vaxt cavab vermirəm”, - deyə Ermənistan parlamentinin Müdafiə və təhlükəsizlik komissiyasının sədri bildirib.
Qeyd edək ki, bundan əvvəl “Azadlıq” radiosunun erməni xidməti Paşinyanın partiya fraksiyasının bir çox üzvünün Andranik Köçəryanın istefasını tələb etdiyi barədə məlumat yayıb. Məlumata görə, bu məsələ hələ Ermənistanın baş naziri Nikol Paşinyanla müzakirə olunmayıb./ Musavat.com
