2024-cü ilin yanvar-sentyabr ayları üzrə Azərbaycana səfər edən əcnəbilərin sayı 2023-cü ilin eyni dövrü ilə müqayisədə 447,5 min nəfər və ya 29% artıb.
FED.az bu barədə Dövlət Statistika Komitəsinin hesabatı əsasında apardığı hesablamalara istinadən xəbər verir.
Məlumata əsasən ən çox artım İraq vətəndaşları arasında olub. Bu ölkədən gələn vətəndaşların sayı son bir il ərzində 4,9 dəfə və ya 3,6 min nəfər artıb.
Hindistandan gələnlərin sayında 2,3 dəfə (102,9 min nəfər) artım baş verib.
Cənubi Koreya vətəndaşlarının sayında isə son bir il ərzində 2 dəfə və ya 6,4 min nəfər artım olub.
Növbəti 3 ölkədə artım səviyyəsi 90%-dən yüksək olub.
Belə ki, Rumıniyadan gələnlərin sayında 93% (1,3 min nəfər), Çindən gələnlərin sayında 93% (15,9 min nəfər), İspaniyadan gələnlərin sayında isə 91% (2,1 min nəfər) artım qeydə alınıb.
Hesabat dövrü ərzində Suriyadan gələn əcnəbilərin sayı 25% və ya 107 nəfər, Qətərdən gələn əcnəbilərin sayı 6% və ya 1,6 min nəfər, Norveçdən gələn əcnəbilərin sayı isə 4% (119 nəfər) azalma olub.
Daha iki ölkədə də azalma baş verib.
Buna Belarus 3%, başqa sözlə 44 nəfər və İsveç 1%, başqa sözlə 149 nəfər olmaqla daxildir.
