Livanın “hərəkatının şiə milis bölmələri İsrail Müdafiə Qüvvələrinin mexanikləşdirilmiş bölmələrinə hücum edərək “Merkava” tankını sıradan çıxarıblar...
Poliqon xəbər verir ki, bu barədə qrupun bəyanatında deyilir. Ölən və yaralanan İsrail əsgərləri ilə bağlı xəbərlər var. İsrail ordusu Hizbullahın oktyabrın 29-da İsrailə 75 raket atdığını bildirib.
“Əl-Xiyam şəhərinin cənubunda döyüş əməliyyatı nəticəsində döyüşçülərimiz düşmənin “Merkava” tankını idarə olunan raketlə vurublar. Zirehli texnikaya birbaşa zərbə qeydə alınıb, ekipaj üzvləri arasında həlak olanlar və yaralananlar olub”, deyə “Hizbullah”ın telegram kanalında yerləşdirilən bəyanatda deyilir.
Qeyd edilir ki, Kfar Killa yaxınlığındakı Tell Nahhas təpəsində müqavimət qüvvələri Livanın cənubunda quru əməliyyatı zamanı sərhəd bölgələrində reyd keçirən İsrail xüsusi təyinatlı qruplaşması ilə toqquşub. “Hizbullah” döyüşçüləri həmçinin Əl-Abbasiya keçid məntəqəsi yaxınlığındakı İDF canlı qüvvəsi və texnikasının cəmləşdiyi yerə atəş açıblar.
Poliqon.info
