Azərbaycan Premyer Liqasının XII turunda keçiriləcək “Turan Tovuz” – “Qarabağ” oyununun biletləri satışa çıxarılıb.
Msport.az xəbər verir ki, bu barədə Tovuz təmsilçisinin mətbuat xidməti məlumat yayıb.
Bu gündən etibarən biletləri Tovuz şəhər stadionunun kassasından və şəhərin mərkəzində yerləşən satış məntəqəsindən bilet əldə etmək olar. 2 AZN-lik biletlərlə yanaşı məhdud sayda olan 5 AZN-lik VİP biletlər də satışdadır.
Qeyd edək ki, oyun 1 noyabr tarixində, saat 18:30-da Tovuz şəhər stadionunda baş tutacaq.
