ABŞ prezidenti Co Bayden Ağ Evdə keçirilən Hellouin bayramı zamanı azı iki uşağı dişləyib.
Medianews.az xarici mediaya istinadən xəbər verir ki, analar uşaqlarını 81 yaşlı prezidentlə görüşə gətiriblər.
Oktyabrın 31-də ABŞ-nin ilk cütlüyü bayram şərəfinə uşaqlar üçün ziyafət təşkil ediblər. Co Bayden adi geyimdə idisə, birinci xanım Cil nəhəng panda kostyumunda görünüb. Musorqskinin simfonik musiqisi sədaları altında qarşıdan gələn Bütün Müqəddəslər Günü münasibətilə uşaqlara və onların valideynlərinə şirniyyat payladılar.
Bayden daha əvvəl Finlandiya səfərinin sonunda kiçik uşağı dişləməyə çalışmışdır. Finlandiyanı tərk etməzdən əvvəl Bayden səfirliyin əməkdaşlarını və onların ailə üzvlərini salamlayıb. Qadınlardan birinin qucağında kiçik bir qız uşağı var idi.
ABŞ prezidenti əvvəlcə uşağı çiynindən dişləməyə çalışıb, qızın yanında dişlərini bir neçə dəfə sıxıb, sonra körpənin başını öpüb. Eyni zamanda, uşaq Amerika prezidentindən yayınaraq anasının qucağında qıvrılıb.
