Almaniya Rusiyadan ucuz enerji resurslarından və böyük Çin bazarından sanki narkotikdən asılı vəziyyətə düşüb, ona görə də ölkə bu asılılığı hər yolla azaltmaq istəyir.
Bu barədə Almaniya Federativ Respublikasının vitse-kansleri, iqtisadi məsələlər və iqlimin mühafizəsi naziri Robert Habek bildirib.
“Almaniya Rusiyanın ucuz qazından və daim yüksələn Çin bazarından həddən artıq asılı idi. Amma birdən siz həqiqətən dopinq dərmanı qəbul etdiyinizi başa düşürsünüz”, - deyə vitse-kansler qeyd edib.
Nazir əlavə edib ki, Almaniya indi bu cür “həddindən artıq asılılığın” əvəzini öz rəqabət qabiliyyəti ilə ödəyir. Bununla əlaqədar, Berlin Çin bazarından asılılığı azaltmaq üçün “investisiyalarını genişləndirmək” üçün iqtisadi siyasət yürütmək niyyətindədir.
