Türkiyənin vitse-prezidenti Cevdet Yılmaz Türkiyə iqtisadiyyatının inkişaf nəticələrini dəyərləndirib. O, İstanbulda keçirilən Türkiyə-Seneqal İş Forumu çərçivəsində çıxış edib.
İqtisadi göstəricilərə diqqət çəkən Yılmaz “Türkiyə 2002-dən etibarən illik orta hesabla 5,4 faiz böyümə əldə etmişdir. Eyni dövrdə ümumdünya nəticəsi 3,6 faiz olub. Türkiyə dünya orta hesabından xeyli yüksək bir inkişaf performansı göstərmişdir. Bununla da beynəlxalq iqtisadiyyatda aldığımız pay artmışdır” deyə bildirib.
Vitse-prezident inkişafda əldə olunan uğurun gələcək dövrdə də davam edəcəyini vurğulayıb. 2024-cü ilin sonu etibarilə ümumdaxili məhsulun 1,3 trilyon dolları, adambaşına düşən milli gəlirin isə 15 min dolları keçəcəyini gözlədiklərini bildirən Cevdet Yılmaz “2027-ci ilin sonunda adambaşına milli gəlirin 20 min dolları aşacağını proqnozlaşdırırıq” deyə əlavə edib.
