1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Fransanın "Lion" klubu UEFA Avropa Liqasının Liqa mərhələsində "Qarabağ"a qarşı Bakıda keçirəcəyi oyuna görə Liqa 1-dəki "Nitsa" ilə matçının təxirə salınmasını istəyib.
Oxu.Az xəbər verir ki, klub rəsmiləri 7 saatlıq uçuşla 4600 km yol qət edəcəklərini əsas gətirərək, çempionatdakı oyunun başqa tarixdə baş tutmasını tələb ediblər. Fransa Peşəkar Futbol Liqasının (LFP) isə hələlik bunu rədd etdiyi bildirilir.
Qeyd edək ki, UEFA Avropa Liqasının Liqa mərhələsinin V turuna təsadüf edəcək "Qarabağ" - "Olimpik" qarşılaşması noyabrın 28-də təşkil olunacaq. Liqa 1-in XIII turunun "Olimpik" - "Nitsa" matçı isə dekabrın 1-də, Bakı vaxtı ilə saat 20:00-da başlamalıdır.
