Mingəçevir şəhərində ağır yol qəzası baş verib.
“İki sahil” xəbər verir ki, şəhər ərazisində “Mercedes Viano” və “VAZ-2107” markalı avtomobillər toqquşub.
Qəza nəticəsində “Mercedes Viano”nun sürücüsü Elgiz İsmayılov, sərnişinləri - 1980-ci il təvəllüdlü Əlzamin Mirzəyev, arvadı 1990-cı il təvəllüdlü Xəyalə Mirzəyeva, 1973-cü il təvəllüdlü Təyyub Məhərrəmov, 1992-ci il təvəllüdlü Nuranə Mustafayeva, 1983-cü il təvəllüdlü Habil Həbliyev, eləcə də sonuncunun azyaşlı oğlu xəsarət alıblar.
Qəzada Habil Həbliyevin həyat yoldaşı, 1989-cu il təvəllüdlü Yasəmən Həbliyeva aldığı xəsarətlərdən hadisə yerində ölüb.
DİN-in Mətbuat Xidmətinin Şəki regional qrupundan bildirilib ki, ölüm və xəsarətlə nəticələnən yol-nəqliyyat hadisəsi ilə bağlı Mingəçevir Şəhər Polis Şöbəsində cinayət işi başlanılıb, araşdırmalar davam etdirilir.
