Bu dəqiqələrdə Tbilisidə, Rustaveli prospektində parlamentin yaxınlığında müxalifətin etiraz aksiyası keçirilir.
Mitinqdən əvvəl yürüş baş tutub, onun iştirakçıları dəmiryol vağzalından başlayıb, Gürcüstan paytaxtının küçələri ilə keçib və parlamentdə başa çatıb. Rustavi prospekti hazırda bağlıdır.
Bundan əvvəl mitinq meydançasında səhnə qurulmuşdu. Müxalifət liderlərinin nə danışacaqları, nə etmək niyyətində olduqlarını deyəcəkləri planlaşdırılır. Parlamentə hüquq-mühafizə orqanlarının əməkdaşları göndərilib, polis orada növbətçilik edir. Təhlükəsizlik qüvvələri parlamentin həyətinə xüsusi diqqət yetirirlər – hazırda orada xüsusi təyinatlılar yerləşdirilib.
Xatırladaq ki, bir həftə əvvəl də parlament binası yaxınlığında mitinq keçirilib. Aksiya iştirakçıları oktyabrın 26-da keçirilən parlament seçkilərinin nəticələrinə etiraz ediblər.
//Samir Qurbanov, Editor.az
