“Real Madrid”in baş məşqçisi Karlo Ançelotti komandanın əsas problemi kimi klubun fransız hücumçusu Kilian Mbappeni görür.
Editor.az bu barədə “Give me Sport”a istinadla xəbər verir.
Mütəxəssis Mbappenin müdafiədə işləməməsindən razı deyil. Ançelotti hesab edir ki, bu səbəbdən komandanın oyununda balanssızlıq yaranıb. Mbappe ilə Real Madrid arasında müqavilənin imzalanması iyunun 3-də rəsmən açıqlanıb. Hücumçu İspaniya nəhənginə azad agent kimi keçib.
Bundan əvvəl hücumçu 2017-ci ildən çıxış etdiyi Fransanın PSJ klubunda çıxış edib. Bu mövsüm Mbappe İspaniya çempionatında “Real”ın heyətində 10 oyun keçirib və 6 qol vurub. “Real” İspaniya çempionatının turnir cədvəlində 24 xalla ikincidir. Kataloniya “Barselona”sı 33 xalla birinci yerdədir. İlk üçlükdə 23 xalla “Atletiko Madrid” qərarlaşıb.
//Gülnarə Abasova, Editor.az
