Rusiya Müdafiə Nazirliyi axşam saatlarında hava hücumundan müdafiə sistemlərinin Bryansk vilayəti üzərində 11, Belqorod vilayəti üzərində isə iki Ukrayna pilotsuz təyyarəsini vurduğunu bildirib. Hücumlar saat 17:30 - 20:00 arasında baş verib.
Sherg.az "RİA Novosti"-yə istinadən xəbər verir ki, Bryansk vilayətinin qubernatoru Aleksandr Boqomaz öz Telegram kanalında yazıb ki, PUA-nın kütləvi basqını nəticəsində insan tələfatı və dağıntı yoxdur. Belqorod qubernatoru Vyaçeslav Qladkov bölgədəki hava hücumundan müdafiə sisteminin işi barədə məlumat verməyib. Gün ərzində Ukrayna pilotsuz təyyarələri Şebekinski rayonu və Krasnoyarsk vilayətinə hücum edib. Zərbələr nəticəsində itki yoxdur.
Ötən gecə Belqorod vilayəti ərazisində doqquz, Bryansk və Kursk vilayətləri üzərində hər biri iki olmaqla PUA vurulub. Starıy Oskol şəhər rayonunda dron neft anbarına hücum edərək yanğına səbəb olub. Yanğın tez söndürülüb.
