Türkiyənin birinci xanımı Əminə Ərdoğan Azərbaycanın Prezidenti İlham Əliyev və birinci xanım Mehriban Əliyevaya səmimi qonaqpərvərliyinə görə təşəkkür edib.
Musavat.com xəbər verir ki, Əminə Ərdoğan bu barədə özünün "X" sosial hesabında paylaşıb.
"COP29 sammiti iqlim fəaliyyəti üçün ortaq gələcək qurmaq üçün ümid təklif edir. Bu prosesdə gənclərin ekoloji cəhətdən təmiz səylərini və Azərbaycanın uzaqgörən rəhbərliyini görmək bizi sevindirdi. Səmimi ev sahibliyinə görə Azərbaycan Prezidenti İlham Əliyevə və dəyərli xanımı Mehriban Əliyevaya təşəkkür etmək istərdik" , - paylaşımda qeyd olunub.
