Almaniyanın aviasiya şirkəti “Lufthansa”nın Buenos-Ayresdən Frankfurt istiqamətində uçan təyyarəsi güclü turbulentlik vəziyyətinə düşdüyü üçün 11 nəfər xəsarət alıb.
Mətbuatda yayılan məlumatlara görə, 39 sərnişini olan “DLH511” reys nömrəli “Boeing 747-8” təyyarəsi Atlantik okeanı üzərində turbulentlik vəziyyətinə məruz qalıb. Hadisə nəticəsində 6-sı heyət üzvü, 5-i sərnişin olmaqla 11 nəfər yüngül yaralanıb.
Təyyarə endikdən sonra yaralılar müalicə altına alınıb.
“Lufthansa” rəsmiləri etdikləri açıqlamada gözlənilməz hadisəyə baxmayaraq uçuş təhlükəsizliyində hər hansı bir problemin yaranmadığını bildiriblər.
