Çində baş verən faciəvi yol qəzasında bir sürücü avtomobilini Cənubi Çinin Zhuhai şəhərində insanların üstünə sürüb, nəticədə 35 nəfər həlak olub, 43 nəfər isə ciddi xəsarət alıb.
Sfera.az xəbər verir ki, polis, hadisəni törədən 62 yaşlı Fan soyadlı şəxsi həbs edib. Hadisə ciddi ictimai narahatlıq doğurub, sosial mediada isə müzakirələr aparılıb. Olay Zhuhai şəhərində, idman mərkəzində baş verib və həmin vaxt çox sayda insan idman fəaliyyəti ilə məşğul olurmuş. Sürücü, hadisəni törətdikdən sonra özünü yaralamış vəziyyətdə tapılıb və xəstəxanaya aparılıb. İnsidentin səbəbinin şəxsi maliyyə mübahisələri və boşanma ilə əlaqəli olduğu düşünülür. Qəza barədə sosial mediada müzakirələr sərt senzura ilə məhdudlaşdırılıb, yalnız beynəlxalq platformalarda məlumat yayılıb. Hadisənin baş verdiyi idman mərkəzi hazırda bağlanıb, vətəndaşları isə təhlükəsizlik tədbirlərinə çağırırlar.
İnci
