"Qalatasaray"ın heyətində qollarını sıralayan Viktor Osimhen Nigeriya yığmasında da qol vurub.
QOL.az xəbər verir ki, Nigeriya millisi ötən gecə Afrika Millətlər Kubokunun seçmə mərhələsində Benin yığması ilə qarşılaşıb.
Matç 1:1 hesabı ilə başa çatıb. Hesabı 16-cı dəqiqədə Benin millisinin üzvü Məhəmməd Tiyani açıb.
81-ci dəqiqədə isə Osimhenin Nigeriyanın bərabərlik qolunu vurub.
Qeyd edək ki, Osimhen 2017-ci ildən Nigeriya millisinin üzvüdür. O, bu yay "Napoli"dən icarə əsasında "Qalatasaray"a keçib. 25 yaşlı forvard cari mövsümdə İstanbul təmsilçisinin heyətində 9 matça çıxıb, 8 qol vurub və 4 qolun ötürməsini verib.
