“Qalatasaray”ın hücumçusu Mauro İkardinin həyat yoldaşı olan Vanda Nara ərini cinsi zorakılıqda və 70 min dollar oğurluqda ittiham edib.
Publika.az xəbər verir ki, bu barədə “Sport Mediaset” məlumat yayıb.
Mənbənin dediyinə görə, hər şey Nara yeni sevgilisi L-Gante ilə istirahət etdiyi Braziliyadan uçarkən baş verib. İkardinin həyat yoldaşı Buenos-Ayresə qayıdıb, lakin futbolçu onu hər ikisinə məxsus mənzilə buraxmayıb.
Hadisə nəticəsində oyunçunun həyat yoldaşına narahatlıq və ya qorxu yarada biləcək davranışlardan çəkinməsini tələb edən bildiriş alması gözlənilir. Jurnalistlərin sözlərinə görə, Naraya tezliklə evinə qayıtmağa icazə veriləcək.
