Rusiya Prezidenti Vladimir Putin azərbaycanlı həmkarı İlham Əliyevlə telefon danışığı aparıb.
Dövlət başçıları Moskva ilə Bakı arasında əməkdaşlığa maraq göstərdiklərini təsdiqləyiblər.
“Cebheinfo.az” xəbər verir ki, bu barədə Kremlin “Telegram” kanalında məlumat yayılıb.
Qeyd olunur ki, Putin və Əliyev sənaye kooperasiyası və nəqliyyat sahəsində bir sıra qarşılıqlı faydalı layihələrin praktiki həyata keçirilməsini müzakirə ediblər, həmçinin strateji tərəfdaşlıq və müttəfiqliyin daha da inkişaf etdirilməsində qarşılıqlı maraqlı olduqlarını qeyd ediblər.
“Rusiya-Azərbaycan strateji tərəfdaşlığı və müttəfiqliyinin daha da hərtərəfli inkişafına qarşılıqlı maraq təsdiq edilib.
Müxtəlif səviyyələrdə təmasların davam etdirilməsi razılaşdırılıb”, - Kreml qeyd edib.
