Ankara türkmən qazının Azərbaycan ərazisindən tranzitini mümkün hesab edir; Türkiyəyə tədarük həcmi ildə 2 milyard kubmetrə çata bilər. Bu barədə noyabrın 12-də Türkiyənin enerji və təbii sərvətlər naziri Alparslan Bayraktar məlumat verib.
“Azərbaycana gələn türkmən qazı Azərbaycan ərazisi ilə Türkiyəyə çata bilər”, - Bayraktar bildirib.
Azərbaycan qazı Gürcüstandan keçməklə Türkiyəyə çatırsa, tədarüklər həmin infrastrukturdan keçə bilər.
“Belə tranzitin həcmi o qədər də yüksək olmaya bilər. Amma əsas odur ki, onun Azərbaycan vasitəsilə həyata keçirilməsi imkanı var. Türkmənistan qazı İrandan keçməklə Azərbaycana svop yolu ilə gedir, eyni şəkildə Türkiyəyə də gedə bilər”, - deyə nazir əlavə edib. Onun sözlərinə görə, türkmən qazının Türkiyəyə nəqlinin həcmi ildə 1,5-2 milyard kubmetrdən çox ola bilməz.
Bayraktar qeyd edib ki, Azərbaycan tərəfi türkmən qazının Türkiyəyə tranziti ilə bağlı planlardan xəbərdardır, çünki “Azərbaycanla müzakirə olunmadan onların həyata keçirilməsi mümkün deyil”.
Oxuməni.az
