Müəllif: Gülnar Əhmədli, Banco.az
Bu ilin oktyabr ayında mobil internetin sürətinə görə 111 ölkə arasında Azərbaycan 55.90 Mbps sürətlə 54-cü yerdə qərarlaşıb. Ötən ay ölkəmizdə genişzolaqlı internetin orta sürəti isə 57.62 Mbps (93-cü) olub.
Banco.az internetin sürətini yoxlamaq üçün istifadə edilən etibarlı veb-sayt olan "Speedtest"ə istinadən Azərbaycanın qonşu ölkələrində internetin sürətini təqdim edir.
Ötən ay mobil internetin sürəti Gürcüstanda 74,47 Mbps (42-ci), Türkiyədə 49.32 Mbps (62-ci), İranda 37.88 Mbps (73-cü), Ermənistanda 32.77 Mbps (79-cu), Rusiyada isə 25.69 Mbps (92-ci) olub.
