Peruda Lima hava limanından qaçaqmalçılıq yolu ilə yüzlərlə quşyeyən hörümçəyi keçirməyə cəhd edən şəxs saxlanılıb. Polisin məlumatına görə, qaçaqmalçı hörümçəkləri Cənubi Koreyaya göndərmək niyyətində olub.Son illərdə quşyeyən hörümçəyin qeyri-qanuni ticarəti xeyli artıb, onun ölü nümunələri alıcılar arasında xüsusilə populyardır.Aydaho Universitetinin tədqiqatçısı Kris Hemiltonun sözlərinə görə, bu böyük hörümçəklərə maraq 2000-ci illərin əvvəllərindən nəzərəçarpacaq dərəcədə artıb və hazırda kolleksiyalarında 100-dən çox müxtəlif növ həşərat olan çoxlu kolleksiyaçılar var.O, quşyeyən hörümçəyin son dərəcə həssas olduğunu və insanlarla qarşılıqlı əlaqədə asanlıqla zərər verə biləcəyini iddia edir.Honqkonq Universitetinin tədqiqatçısı Alisa Hyusun sözlərinə görə, hörümçək toplamaq hobbisini Pokemon kartlarının toplanması ilə müqayisə etmək olar. Kolleksiyaçılar burada hər növ müxtəlif rəng və formada həşərat əldə etmək istəyirlər.Bununla belə, hörümçəkləri ev heyvanı kimi saxlamaq onları almaq üçün əsas səbəb kimi görünmür. Sloveniyanın Bioloji İnstitutunun araşdırmasına görə, quşyeyən hörümçəyin qanunsuz ticarətinin 43 faizi ölü buğumayaqlıların payına düşür.Qaçaqmalçılığın ümumi miqyası məlum deyil, çünki qeydiyyat yalnız nəsli kəsilməkdə olan vəhşi fauna və flora növlərinin beynəlxalq ticarəti haqqında Konvensiyaya (CITES) daxil edilmiş və quşyeyən hörümçək növlərinin ümumi sayının cəmi 3 faizini əhatə edən nümunələr üçün tələb olunur.Ekspertlər bu qeyri-qanuni fəaliyyətin təbii hörümçək populyasiyalarını məhv etdiyini və biomüxtəlifliyə ciddi təhlükə yaratdığını vurğulayırlar.
Diqqət Çəkənlər
Füzulidə dövlət mülkiyyətinə aid 482 hektar sahədə günəş elektrik stansiyası tikiləcək
Rusiya sanksiyalara cavab olaraq ABŞ-yə uran ixracını məhdudlaşdırıb
Şimali Kipr Türk Cümhuriyyətinin yaradılmasının 41-ci ildönümü münasibətilə bayram tədbirləri keçirilib
