Bu gün qardaş ölkə Türkiyənin milli komandası Millətlər Liqasında 5-ci tur oyununa çıxıb.
QOL.az xəbər verir ki, Vinçenzo Montellanın komandası evdə Uelslə qarşılaşıb. Görüş qolsuz bərabərliklə başa çatıb - 0:0.
Hazırda Türkiyə millisi 5 oyundan 11 xalla qrup lideridir. Bu qrupda hərəyə 5 matç keçirən digər komandalardan Uels 9 xalla 2-ci, İslandiya 7 xalla 3-cü, Monteneqro isə 0 xalla sonuncu yeri tutur. Türkiyə millisi bugünkü qarşılaşmada ən yaxın izləyicisini məğlub etsəydi, son turun nəticəsindən asılı olmayaraq qrup birinciliyini təmin edəcəkdi. Bununla da onlar Millətlər Liqasında ən yaxşı göstəricilərə malik komandaların iştirak etdiyi A liqasına vəsiqə qazanacaqdılar. Bununla belə, "ay-ulduzlular" A liqası üçün pley-off oyununa vəsiqəni əldə ediblər.
Qeyd edək ki, sözügedən matçda Türkiyə millisində cəzalı durumda olan Kenan Yıldız və zədəli olduqları üçün Çağlar Söyüncü, Ferdi Kadıoğlu ve Deniz Gül iştirak edə bilməyiblər.
B Liqası
4-cü qrup
21:00. Türkiyə - Uels - 0:0
Baş hakim: Xuan Martinez
"Kadir Has Şehi Stadiumu"
21:00. Monteneqro - İslandiya - 0:2
Qollar: Oskarsson, 74, Yohanesson, 88
Xallar: Türkiyə - 11, Uels - 9, İslandiya - 7, Monteneqro - 0
