ABŞ-ın keçmiş prezidenti Bill Klinton Monika Levinskiyə yalnız ən yaxşısını arzuladığını etiraf edib.
Bu barədə “The Guardian“ yazır.
Klinton özünün yeni avtobioqrafik “Vətəndaş” (“Citizen”) kitabında təcrübə keçən Monika Levinski ilə münasibətini şərh edib. 1998-ci ildə onların münasibətləri ictimailəşəndə Ağ evdə təcrübə keçən Levinskinin cəmi 22, Bill Klintonla isə evli olan Levinskinin təxminən 50 yaşı var olub. Əvvəlcə bir əlaqə ilə bağlı fərziyyələri rədd edən, sonra ictimaiyyətdən üzr istəyən prezident Nümayəndələr Palatası tərəfindən impiçment edilib, lakin Senat tərəfindən bəraət alıb.
Prezidentlikdən sonrakı illəri təsvir edən "vətəndaş" kitabında Klinton NBC-də 2018-ci ildə aparıcının onu gözdən saldığı yöndəmsiz müsahibəni xatırlayır. “MeToo” hərəkatına istinad edən Kreyq Melvin qəfildən Levinskini xatırladıb və bu gün də eyni vəziyyət yaşanarsa, prezidentin istefa verib-verməyəcəyini soruşub.
Klinton mənfi cavab verib, çünki onun fikrincə, bu işdə impiçment qanunsuz olub. Melvin daha sonra Levinskinin “MeToo” hərəkatının onun cinsi qısnamaya baxışını necə dəyişdiyi barədə köşə yazısından bir parça oxuyub. Aparıcı onu heç vaxt Levinskidən şəxsən üzr istəmədiyinə görə qınayıb.
“Mən ondan və incitdiyim hər kəsdən üzr istədiyimi söylədim. Sonrakılar məni təəccübləndirdi".
Amma sən ondan üzr istəmədin, heç olmasa danışdıqlarımıza görə.
"Mən məyusluğumu çətinliklə saxlaya bildim, çünki cavab verdim ki, mən onunla heç vaxt birbaşa danışmamışam, amma bir neçə dəfə üzr istədiyimi açıq şəkildə demişəm”, - Klinton kitabda yazıb.
“Mən hər zaman bununla yaşayıram. Son bir neçə il ərzində Monika zorakılığa qarşı kampaniyasında çoxlu yaxşı və vacib işlər görüb və o, ABŞ-da və xaricdə layiqli tanınıb. Mən ona yalnız ən yaxşısını arzulayıram”, - Bill Klintonun “Vətəndaş” kitabından fraqment.
2021-ci ildə Today şousunda Monikadan soruşublar ki, o, Klintonun ona üzrxahlıq borclu olduğunu düşünürmü?
O deyib: “Mənə lazım deyil. Mən incitdiyim və hərəkətlərimdən zərər görən insanlardan üzr istəmək arzusunu hiss etdiyim kimi, o da özü üzr istəməyi istəməlidir”.//Lent.az
