ABŞ-ın tam dəstəyini alan Cənubi Koreya son vaxtlar Koreya yarımadası ətrafında hərbi fəaliyyətlərə diqqət yetirdiyi halda, Şimali Koreya ordusuna müharibəyə tam hazır olmaq əmri verilib.
Editor.az xəbər verir ki, Koreya Xalq Ordusu briqadalarının komandirləri və siyasi komissarları tərəfindən 10 ildə ilk dəfə keçirilən toplantıda çıxış edən Şimali Koreya lideri Kim Çen In çətin vəziyyət və ordu rəhbərliyinin vəzifələri ilə bağlı açıqlamalar verib. “Koreya yarımadasında tarixin ən gərgin vəziyyətini yaradan ABŞ və onun marioneti Cənubi Koreya da daxil olmaqla düşmən qüvvələrinin ölkəmizə qarşı hərbi qarşıdurmasının çılğınlığı təhdid edir”- deyən Kim, ordunun müharibəyə tam hazır olmasının vacibliyini vurğulayıb. Kim müxtəlif səviyyələrdə Şimali Koreya hərbçilərinə inqilabın tələblərinə və mövcud vəziyyətə əsaslanaraq müharibə hazırlığını maksimum dərəcədə artırmaq üçün hər cür səy göstərməyi tapşırıb.
Kim taborların hazırlanmasının vacibliyini, nizami silahlı qüvvələrin və ölkə silahlı qüvvələrinin tam döyüş hazırlığının saxlanmasında onların yeri və rolunu, hərbi-siyasi üstünlüyün artırılmasının sürətləndirilməsində və döyüşlərin genişləndirilməsində batalyon komandirlərinin və siyasi komissarlarının əsas vəzifələrini vurğulayıb. Şimali Koreya lideri həmçinin nüvə qüvvələrinin mərkəzində olduğunu bildirdiyi ölkənin özünümüdafiə qüvvələrini fasiləsiz, heç bir məhdudiyyət olmadan və əldə olunan səviyyədən kifayətlənmədən inkişaf etdirməyə davam edəcəyini vurğulayıb.
//Gülnarə Abasova, Editor.az
