"Mançester Yunayted"dən ayrılandan sonra 1 il futbolsuz qalan və yayda "Fiorentina" ilə müddəti cari mövsümün sonuna qədər nəzərdə tutulan müqavilə bağlayan David de Xeanın aqibətiin necə olacağı açıqlanıb.
Fanat.Az yerli mətbuata istinadən xəbər verir ki, Florensiya klubu özünü yaxşı tərəfdən göstərən ispaniyalı qolkiperi heyətdə saxlamaqda qərarlıdır.
Onun A Seriyası təmsilçisi ilə anlaşmasına müqavilə müddətinin daha 1 illik uzadılması haqda bənd salınıb. Başqa sözlə, "bənövşəyilər" sözegedən "çərçivə" qoruyucusu ilə əməkdaşlığa davam etmək hüququna malikdir. Bununla belə, "Fiorentina" de Xeanın yalnız gələn mövsüm yox, daha uzun müddətə komandada qalmasını arzulayır.
