İsrailin ötən ay İrana hücumu onun müdafiə və raket istehsal imkanlarını sarsıdıb və nüvə proqramının bəzi hissələrinə zərbə vurub.
Paralel.az xəbər verir ki, bu barədə İsrail Baş naziri Benyamin Netanyahu Knessetdəki çıxışı zamanı bildirib.
"Onların (İranın - red.) nüvə proqramının bu hücum nəticəsində zədələnmiş xüsusi bir komponenti var. Bu, heç kimə sirr deyil”, – baş nazir vurğulayıb.
Eyni zamanda o əlavə edib ki, İranın nüvə silahına gedən yolu bağlanmayıb.
Qeyd edək ki, İsrail İrana 26 oktyabrda hava hücumu həyata keçirib.
