Ukrayna milli komandasının nümayəndələri Albaniyada keçiriləcək Millətlər Liqası matçından əvvəl qalmaqal yaşayıb.
Publika.az xəbər verir ki, onlar rus dilinə tərcümədən qəti şəkildə imtina ediblər. Bu barədə VZBIRNA teleqram kanalı məlumat yayıb.
Albaniya - Ukrayna matçı öncəsi mətbuat konfransında tərcüməçi Ukrayna tərəfinə ünvanlanan sualları rus dilinə tərcümə etmək niyyətində olub. Lakin komandanın baş məşqçisi Sergey Rebrov və hücumçu Roman Yaremçuk bu variantdan imtina ediblər. Nəticədə suallar alban dilindən ingilis dilinə tərcümə edilib.
Albaniya Futbol Federasiyası bununla bağlı açıqlama yayıb. Qurum rus dilini ünsiyyət üçün ən yaxşı həll yolu hesab etdiklərini bildirib. Bunu dillərin bənzərliyi ilə əlaqələndrilib.
